«Լիդիան Արմենիա» ընկերության կողմից ընդդեմ Հայաստանի Հանրապետության դատական հայց ներկայացնելու տեղեկությունը չի համապատասխանում իրականությանը: Այս մասին Analitik.am- ի հետ զրույցում հայտնեցին ընկերության հանրային կապերի բաժնից:
Նշենք, որ լուրեր էին շրջանառվում այն մասին, թե ընկերությունը պատրաստվում է հայց ներկայացնել Լոնդոնի արբիտրաժային դատարան, պահանջելով Հայաստանի իշխանություններից $2 մլրդ, քանի որ վերջիններս չեն կարողանում ընկերության բնականոն գործունեության համար պայմաններ ապահովել:
«Լիդիան Արմենիայից» ասացին, որ նման տեղեկություններ հրապարակելուց առաջ պետք է ճշտել դրանց իսկությունը, այլապես դա կարող է վնաս հասցնել երկրի ներդրումային հեղինակությանը.
Նշենք, որ «Լիդիան Արմենիա» ընկերությունը Ամուլսարում շինարարությունը սկսել է 2016-ին, ոսկու արդյունահանումը սկսել է 2018-ի առաջին եռամսյակում:
Ամուլսարն Հայաստանում ամենախոշոր միջազգային ներդրումն է։
