Վերջին 40 տարում առաջին անգամ իրանցի կանանց թույլ են տվել տղամարդկանց հետ հավասար ներկա լինել ֆուտբոլային հանդիպման և հետևել ազգային հավաքականի մասնակցությամբ խաղին, այս մասին հայտնում է Al-Ahram-ը:
Խոսքը Ռուսաստանում ընթացող ֆուտբոլի աշխարհի առաջնության շրջանակներում հունիսի 20-ին տեղի ունեցած Իսպանիայի դեմ հանդիպման մասին է: Իրանցի կանանց թույլ են տվել խաղին հետևել Թեհրանի Ազադա մարզադաշտում տեղադրված մեծ էկրանից: Տոմսի արժեքը եղել է 2 եվրո:
Նախորդ դեպքում՝ Մարոկկոյի դեմ խաղի ժամանակ, կանանց թույլ չէին տվել մուտք գործել մարզադաշտ:
