Դիզայներներ Ֆիլիպ և Դևիդ Բլոնդները Նյու Յորքի Նորաձևության շաբաթվա շրջանակում հանրությանն են ներկայացրել յուրահատուկ Բարբի տիկնիկ՝ Pink Diamond Barbie Doll, հայտնում է luxlux.net-ը։
Եվ այժմ Pink Diamond Barbie Doll-ը դարձել է Բարբի տիկնիկների հավաքորդների համար ցանկալի օբյեկտ։
Մոդելավորողները տիկնիկի համար կարել են անհավանական գեղեցիկ զգեստ՝ զարդարված բյուրեղներով։ Հագուստն ամբողջացրել են բյուրեղյա կոշիկներով և վարդագույն մորթուց պատրաստված մուշտակով։ Սակայն իրական արժեք ներկայացնում են ոչ թե իրերը, այլ զարդերը։ Բարբիի ապարանջանը, մատանին և ականջօղերը պատրաստված են սպիտակ ոսկուց և իրական ադամանդներից։
Մազերը և հոնքերը բնական մազերից են։ Պրեմիերայից առաջ ոճաբաններն աշխատել են տիկնիկի սանրվածքի և դիմահարդարման վրա։ Եվ այս ամենը թույլ է տվել, որ Pink Diamond Barbie Doll-ը դառնա աճուրդի նմուշ՝ 15 հազ. դոլար արժողությամբ։