Սպորտ 

Շենգավիթի թիմը՝ Երևանի քաղաքապետի փոխանցիկ գավաթի 2018թ. բակային փառատոնի բասկետբոլի մրցաշարի հաղթող

Երևանի քաղաքապետի փոխանցիկ գավաթի 2018 թվականի բասկետբոլի «Երևանի ոսկե զամբյուղ» կոչվող մրցաշարում մի քանի օր շարունակվող հանդիպումներում հաղթողի կոչումն էին միմյանց միջև որոշում մայրաքաղաքի վարչական շրջանների պատանի բասկետբոլիստները: Կայացած խաղերի արդյունքներով, եզրափակչում հանդիպել են Շենգավիթ և Ավան վարչական շրջանների թիմերը: Ավելի հաջող են հանդես եկել շենգավիթցի բասկետբոլիստները, ովքեր էլ դարձել են այս մարզաձևի մրցաշարի հաղթող: 3-րդ տեղի համար պայքարում ուժերն են չափել Կենտրոն և Քանաքեռ-Զեյթուն վարչական շրջանների թիմերը: Այստեղ էլ հաղթել են Կենտրոն վարչական շրջանի բասկետբոլիստները, որոնք նույնպես արժանացել են մեդալների և պատվոգրերի:

Մարզական այս փառատոնում ընդհանուր հաշվարկով հաղթած վարչական շրջանի թիմը կպարգևատրվի Երևանի քաղաքապետի փոխանցիկ գավաթով: Հիշեցնենք, որ բակային այս փառատոնն անց է կացվում Երևանի քաղաքապետարանի «Երևանյան ամառ 2018» եռամսյա միջոցառումների ծրագրի շրջանակում:

 

Երևանի քաղաքապետարանի տեղեկատվության  և հասարակայնության հետ կապերի վարչություն

  • 103
  •  
  •  
  •  
  •  
  • 1
  • 1
  •  
  •  
    105
    Shares

Related Articles