Եվրոպական հանձնաժողովն այսօր 4,35 միլիարդ եվրոյով տուգանել է Google ընկերությանը: Որոշումը կայացվել է ընկերության նկատմամբ ընթացող 3 հակամենաշնորհային քննություններից ամենակարևորի շրջանակներում: Google-ին մեղադրում են Եվրոպայում Android-ների համար օպերացիոն համակարգերի շուկայում գերիշխող դիրքի չարաշահման մեջ:
Հայտարարության մեջ նշվում է, որ ընկերությունը պետք է 90 օրվա ընթացքում դադարեցնի նման գործելաոճը:
Հավելենք, որ Android համակարգով զինված են աշխարհում օգտագործվող սմարթֆոնների 80 տոկոսը: