Կա հավանականություն, որ Ռուսաստանը Հայաստանին պարարտանյութեր կմատակարարի ներքին գներով: Այս մասին դեկտեմբերի 24-ի մամուլի ասուլիսում հայտարարել է Հայաստանի Ագրար-գյուղացիական միության նախագահ Հրաչյա Բերբերյանը:
Նա նշել է, որ արտահանման բարձր տուրքերի պատճառով ռուսական պարարտանյութերը հայ գյուղացիների համար մատչելի չեն: «Մեզ կալիումային եւ ֆոսֆորային պարարտանյութե՞ր են հարկավոր: Հենց դրանք Ռուսաստանը մեծ ծավալով եւ լավ որակով արտադրում է»,- հավելել է Բերբերյանը:
Հայաստանը եվրոպական ինտեգրացիայից այնքան առավելություններ չէր ստանա, որքան եվրասիականից, նշել է Հրաչյա Բերբերյանը: «Եվրամիությունում նպատակային մշակաբույսերի սուբսիդավորման պրակտիկա կա: Սակայն մեծ հարց է, թե երբ Հայաստանը ԵՄ կմտներ եւ կհավակներ դրան: Իսկ եվրոպական շուկայում՝ սուբսիդավորված արտադրանքի պայմաններում, մենք չէինք կարող մրցակցել»,- հավելել է Բերբերյանը:
