Հայաստանը 10,1 մլն դրամ (22 հազ. դոլար) դոլար կհատկացնի ՄԱԿ-ի զարգացման ծրագրի (UNDP) առևտրի աջակցության ծրագրին: Համապատասխան որոշումն ընդունվել է կառավարության դեկտեմբերի 26-ի նիստում:
Էկոնոմիկայի նախարար Վահրամ Ավանեսյանը, ներկայացնելով որոշման նախագիծը, հայտնել է, որ ծրագիրը UNDP-ի տարածաշրջանային «Աջակցություն առևտրին` Կենտրոնական Ասիայի, Հարավային Կովկասի և Արևմտյան ԱՊՀ երկրների համար (Հայաստան)» ծրագրի մաս կդառնա: Ծրագրում կառավարության ֆինանսավորումը կկազմի 10%: Ծրագիրը կառավարությանը և Հայաստանի մասնավոր հատվածին աջակցող բնույթ կկրի:
2012-2013թթ. ծրագրի շրջանակում, մասնավորապես, աջակցություն է ցուցաբերվել Տավուշի մարզի ոչ խոշոր գյուղատնտեսներին: Աջակցություն են ստացել չրերի 14 արտադրողներ (այդ թվում՝ Ադրբեջանին սահմանակից Բերքաբեր գյուղում), իսկ Պտղավան և Տավուշ գյուղերում 29 ջերմատուն է կառուցվել՝ կաթիլային ոռոգման համակարգով:
