Հայաստանի Գյումրիի տեխնոպարկում սկսել են ոսկերչական զարդերի 3D դիզայն կատարել: Այս մասին հայտնել է տեխնոպարկում գործող «Premier Design» ընկերության տնօրեն Խաչատուր Դեմիրճյանը: Նա ասաց, որ Գյումրիի տեխնոպարկը ձեռնարկությանն աջակցել է բաժնեմասային մասնակցությամբ, որն ընկերությունն աստիճանաբար հետ կգնի:
«Մենք ոսկերչական զարդերի դիզայն ենք կատարում և դրանք ինքներս ենք թողարկում: Դժվարությունը ձեզ հայտնի է. Հայաստանի ոսկերչական շուկան մեծ չէ, եղածն էլ ՝ ամբողջությամբ Երեւանում կենտրոնացած: Գյումրիում այն հազիվ գոյատեւում է, իսկ միջին դասի մասին խոսելու կարիք չկա», - նշեց Դեմիրճյանը: Այդ իսկ պատճառով, հավելեց նա, ընկերությունը շատ ջանքեր է գործադրել մասնագետների գտնելու համար. «Սիրիայից բազմաթիվ փորձառու մասնագետներ են եկել, սակայն նրանց Երևանի սահմաններից դուրս աշխատանքի տանելը հեշտ չէ. սպասվող եկամուտներն այն չեն»:
Գյումրիի տեխնոպարկի աջակցության ծրագրին կառավարությունը հավանություն էր տվել 2009թ.: Իռլանդական խորհրդատվական «Saon International Consultants» ընկերության փորձագետ Քեւին Թոմփսթոնի գնահատմամբ՝ շինարարության համար 55 մլն դոլար կպահանջվի:
