Ճապոնիայի իշխանությունները մտադիր են ազգայնացնել 280 կղզի, որոնք գտնվում են այդ երկրի տարածքային ջրերի սահմաններում կամ դրա բացառիկ տնտեսական գոտում:
Ճապոնիան շուտով կսկսի պարզել, թե այդ կղզիներից որն ում է պատկանում` կճշտի տերերին, իսկ տեր չունեցողները կազգայնացնի:
Ծրագիրը գործում է արդեն 5 տարի, դրա շրջանակներում 99 կղզի է ազգայնացվել: Ազգայնացվելիք կղզիներից որոշները կարող են տարածքային վեճերի առարկա դառնալ Ճապոնիայի, Չինաստանի և Հարավային Կորեայի միջև:
Ազգայնացման նոր գործընթացը տեղի է ունենում Ճապոնիայի և Չինաստանի միջև Սենկակու (Դյաոյույդաո) կղզիախմբի շուրջ տարածքային վեճի ֆոնին, որը սկսվել է 2012-ից:
