Հռոմի Ֆրանցիսկոս պապը դիմել է Դավոսում Միջազգային տնտեսական համաժողովի մասնակիցներին՝ կոչ անելով ապահովել եկամուտների առավել արդար բաշխում՝ ելնելով հասարակ մարդկանց շահերից:
«Կցանկանայի ընդգծել զանազան քաղաքական ու տնտեսական սեկտերների կարեւորությունը համընդհանուր մոտեցման առաջխաղացման հարցում: Չի կարելի թույլ տալ, որ հազարավոր մարդիկ նախկինի պես ամեն օր քաղցից մահանան»,-ասվում է նրա հայտարարությունում, փոխանցում է «ԻՏԱՌ-ՏԱՍՍ»-ը:
Նա ընդգծել է, որ «հարստությունը պետք է ծառայի մարդկությանը, այլ ոչ կառավարություններին»:
Հիշեցնենք, որ հունվարի 22-ին շվեյցարական Դավոսում կկայանա Համաշխարհային տնտեսական համաժողովի 44-րդ նստաշրջանը: