Ֆինանսների նախարար Դավիթ Սարգսյանն այսօր ընդունել է «Ֆիթչ» (Fitch Ratings) վարկանիշային միջազգային կազմակերպության փորձագիտական խմբի անդամներին, այս մասին տեղեկացնում է Ֆինանսների նախարարության տեղեկատվության և հասարակայնության հետ կապերի բաժին։
Խումբը Հայաստանում հանդիպումներ ու քննարկումներ է անցկացնում մեր երկրի սուվերեն վարկանիշը գնահատելու նպատակով:
Նախարարի հետ քննարկումների առանցքում եղել է պետական ֆինանսների կառավարման համակարգը իր առաջնահերթ ուղղություններով ու հիմնական ֆինանսական ցուցանիշներով:
Փորձագետների հետ զրույցում անդրադարձ է եղել այն բոլոր գործոններին, որոնք հաշվի են առնվում սուվերեն վարկանշման գործընթացում:
Վարկանիշային այս կազմակերպությունը արտարժույթով և ազգային արժույթով Հայաստանի` որպես թողարկողի երկարաժամկետ վարկանիշը գնահատել է կայուն կանխատեսմամբ BB-:
