Ամերիկյան Yahoo! ընկերությունը ծանուցել է իր փոստային ծառայության օգտատերերի նկատմամբ ցանցահենային հարձակման և գաղտնաբառերի գողության մասին:
Tumblr սոցցանցի ընկերության բլոգում հայտնված հայտարարության մեջ ասվում է համակարգված հարձակման մասին, սակայն տուժած փոստային օգտահաշիվների թիվը չի հստակեցվում՝ փոխանցում է RIA Novosti-ն:
Ընկերությունը նշում է, որ մուտքաբառերն ու գաղտնաբառերը, որոնք կիրառվել են հարձակման համար, ենթադրաբար գողացվել են ոչ թե Yahoo-ի համակարգից, այլ կողմնակի կազմակերպության տվյալների բազայից:
Ընկերությունը ձեռնարկում է անվտանգության հավելյալ միջոցառումներ՝ ծառայությունները նոր հարձակումներից զերծ պահելու համար:
Yahoo փոստային ծառայությունը, փորձագետների տվյալներով՝ աշխարհում ժողովրդականությամբ երկրորդն է՝ Google-ի Gmail-ից հետո: Աշխարհում դրա օգտատերերի թիվը կազմում է մոտ 273 մլն:
