2018 թվականի նոյեմբերի 8-11-ը Բուխարեստում կայացած սամբոյի աշխարհի առաջնությունում հայ մարզիկները նվաճել են երեք մեդալ:
Մարզական սամբո մրցաձևում 52 կգ քաշային Տիգրան Կիրակոսյանը դարձել է առաջնության արծաթե, 74 կգ քաշային Արսեն Ղազարյանը՝ բրոնզե մեդալակիր:
Մարտական սամբո մրցաձևում 52 կգ քաշային Գրիգոր Մխիթարյանը նվաճել է արծաթե մեդալ: Սամբոյի ՀՀ հավաքականը մրցավայր էր մեկնել թիմի գլխավոր մարզիչ Վովիկ Խոջայանի գլխավորությամբ:
