Ռուսաստանի Դաշնության նախագահ Վլադիմիր Պուտինը հայտնել է, որ Ռուսաստանը մոտ ժամանակում հակաօդային պաշտպանության (ՀՕՊ) միասնական համակարգեր կստեղծի Հայաստանի և Ղազախստանի հետ համատեղ, հայտնում է Газета-ն՝ վկայակոչելով РИА Новости-ին։
Պուտինի խոսքով՝ կուժեղացվի նաև ՀՕՊ միասնական համակարգը Բելառուսի հետ։
Նախագահը կարծում է, որ նման համագործակցությունը «զգալիորեն բարձրացնում է Ռուսաստանի և գործընկերների պաշտպանական պոտենցիալը, նպաստում եվրասիական տարածքում խաղաղության և կայունության ամրապնդմանը»։
«Կընդլայնենք մեր ավանդական գործընկերների և դաշնակիցների հետ փոխգործակցությունը, նախևառաջ՝ Կոլեկտիվ անվտանգության պայմանագրի կազմակերպության, Շանհայի համագործակցության կազմակերպության և ԱՊՀ մասնակից պետությունների հետ»,- նշել է Պուտինը։