Վճռորոշ պայքարը Վրաստանի համար շարունակվում է. Facebook սոցիալական ցանցի իր էջում գրել է Վրաստանի նախկին նախագահ Միխեիլ Սաակաշվիլին՝ «Վարդերի հեղափոխության» տասնամյակի առթիվ։
Սաակաշվիլին Վրաստանը լքել է նոր նախագահի երդմնակալությունից անմիջապես հետո։
Նախկին նախագահը հայտարարել էր, որ ժամանակավորապես հեռանում է «ակտիվ քաղաքականությունից» և զբաղվելու է արտերկրում գիտական կենտրոնի ստեղծմամբ։ Լրատվամիջոցների փոխանցմամբ՝ Սաակաշվիլին այժմ գտնվում է Վաշինգտոնում։
«Վարդերի հեղափոխությունը» լուրջ և արդյունավետ պետական ինստիտուտներ է ստեղծել, ստեղծել է սերունդ, որը երբեք չի հաշտվի անցյալին վերադառնալու հետ։ Հենց «Վարդերի հեղափոխությունը» Վրաստանին դրեց Եվրոպական միությանը և ՆԱՏՕ-ին ինտեգրվելու ճանապարհին»,-գրել է Սաակաշվիլին։
Պետության նախկին նախագահի խոսքով՝ «Վարդերի հեղափոխությունը» Վրաստանի պատմության կարևորագույն պահերից է, և այդ պատմությունը շարունակվում է, և ամեն ինչ դեռ առջևում է։
tert.am
