Եվրոպական միության հետ Ասոցացման համաձայնագրի ստորագրման պատրաստությունները կասեցնելու մասին Ուկրաինայի իշխանությունների որոշումը «ոչ մի կերպ չի անդրադառնա Վրաստանի որոշման վրա», հայտնում է ИТАР-ТАСС-ը՝ վկայակոչելով երկրի արտաքին գործերի փոխնախարար Դավիդ Զալկալիանիին։
Նա ափսոսանք է հայտնել Ուկրաինայի որոշման համար, սակայն ընդգծել է, որ «դա ոչ մի կերպ չի անդրադառնա Թբիլիսիի որոշման վրա»։
«Մենք մեկնում ենք Վիլնյուս, կնախաստորագրենք համաձայնագիրը և կսկսենք պատրաստվել նրան, որ այդ փաստաթուղթը որքան հնարավոր է արագ ստորագրվի 2014-ին»,- ասել է Զալկալիանիին։
Վրաստանի պատվիրակությունը Վիլնյուսի գագաթնաժողովում կգլխավորի երկրի նախագահ Գեորգի Մարգվելաշվիլին։ Պատվիրակության կազմում կլինեն նաև ԱԳՆ ղեկավար Մայա Փանջիկիձեն, եվրոպական և եվրատլանտյան ինտեգրման հարցերով պետնախարար Ալեքսի Պետրիաշվիլին և այլ պաշտոնատար անձինք։
Թբիլիսիում հույս ունեն, որ ԵՄ-ի հետ Ասոցացման համաձայնագիրը կստորագրվի մինչ 2014թ. սեպտեմբեր։ Այս հարցի շուրջ բանակցությունները սկսվել են 2010թ. հուլիսին։
