Վրաստանը Եվրամիության հետ Ասոցացման համաձայնագիր կստորագրի 2014 թվականի սեպտեմբերից ոչ ուշ: Այդ մասին հայտարարել է երկրի ինտեգրման հարցերով պետնախարար Ալեքսի Պետրիաշվիլին, հաղորդում է ИТАР-ТАСС-ը:
Ստորագրումից մի քանի ամիս անց փաստաթղթի դրույթների մեծ մասն ուժի մեջ կմտնի, նշել է նա:
Համաձայնագիրը նախաստորագրվել է Վիլնյուսում նոյեմբերի 28-ին:
«Փաստաթուղթը նախատեսում է ԵՄ-ի հետ քաղաքական ասոցացում, աստիճանական տնտեսական ինտեգրում և անդառնալի է դարձնում Վրաստանի եվրոպականացման գործընթացը»,- ասել է Վրաստանի արտգործնախարար Մայա Փանջիկիձեն: