Ռուսաստանի մայրաքաղաքի Մանեժնայա հրապարակում կովկասցիների հանրահավաքին ծրագրում են ներկա գտնվել միլիոնից ավելի կովկասցիներ: Ակցիան, որը նախատեսվում է անցկացնել հունվարի 26-ին, ուղղված է այլատյացության դեմ:
Կազմակերպիչները ծրագրում են միջոցառման ժամանակ դեմ արտահայտվել դպրոցներում հիջաբ կրելու արգելքին, իշխանությունների գործողություններին, որոնք ուղղված են նոր մզկիթների շինարարությանը խանգարելուն, ինչպես նաեւ ռուսական հեռուստատեսության ազգամիջյան կոնֆլիկտներ բորբոքելուն:
Սպասվում է, որ հանրահավաքին կմասնակցեն հյուսիսկովկասցիներ, թաթարներ, ինչպես նաեւ Միջին Ասիայի ու Պովոլժիեի մի շարք կազմակերպություններ:
