ԵԽԽՎ-ն Ուկրաինայում ժողովրդավարական ինստիտուտների գործունեությանն սպառնալիքների հարցով քննարկումներ կանցկացնի ապրիլի 9-ին: Այս մասին հայտարարվել է ԵԽԽՎ նստաշրջանի բացման ժամանակ, օրակարգը հաստատելիս:
Բացի այդ, ապրիլի 10-ին կքննարկվի ՌԴ պատվիրակության լիազորությունների վերանայման հարցը, ասված է կազմակերպության հայտարարությունում:
Վերջնական օրակարգում ներառվել է նաեւ Ավստրիայի նախագահի ելույթը եւ Ղրղըզստանին գործընկերոջ կարգավիճակ տալու վերաբերյալ որոշում կայացնելու հարցը:
Նստաշրջանում զեկույցներ կներկայացվեն Եվրոպայում մարմնավաճառության, թրաֆիքինգի եւ ժամանակակից ստրկության մասին:
