«Դեմ եմ» քաղաքացիական նախաձեռնությունը երբեք քաղաքական ուժ չի դառնա, սակայն նախաձեռնության անդամները կարող են համագործակցել տարբեր սուբյեկտների հետ եւ ձեւավորել նոր ձեւաչափ, որը կպահանջի ամբողջական իշխանափոխություն կամ արդար ընտրություններ: Այդպես է կարծում Ռազմավարական և ազգային հետազոտությունների հայկական կենտրոնի (ՌԱՀՀԿ) փորձագետ, քաղաքական վերլուծաբան Էդգար Վարդանյանը:
«Նախաձեռնությունը քաղաքական կուսակցություն չի դառնա, բայց հնարավոր է մասնակցի նոր լայն արդեն ավելի խորքային պահանջներ ունեցող ֆորմատի ձեւավորմանը, այսինքն ոչ թե կուսակցության, որ ցանկանում է գալ իշխանության, այլ ֆորմատ, որը դնում է պահանջ ամբողջական իշխանափոխության, անկախ դատական համակարգի, արդար ընտրությունների, քանի որ «Դեմ եմ»-ի անդամները բազմիցս ասել են, որ իրենք իրականում կողմնակից են լուրջ խորքային փոփոխությունների»,- ասաց նա:
Էդգար Վարդանյանը համոզված է, որ միայնակ «Դեմ եմ» քաղաքացիական նախաձեռնությունը երբեք դա չի անի, սակայն կարող է դառնալ նոր ձեւաչափի ակտիվ մասնակից:
Նշենք, որ այժմ շատ է խոսվում այն մասին` արդյոք «Դեմ եմ» կդառնա քաղաքական ուժ, թե ոչ: