Ռուսաստանի պատվիրակությունը ներկա չէ Եվրոպայի խորհրդի խորհրդարանական վեհաժողովի նիստերի դահլիճում, որտեղ քննարկում է անցկացվում ԵԽԽՎ-ում Ռուսաստանին ձայնից զրկելու վերաբերյալ, հայտնել է Ռուսաստանի պատվիրակության ղեկավար, Պետդումայի միջազգային հարցերով հանձնաժողովի նախագահ Ալեքսեյ Պուշկովը, հաղորդում է ИТАР-ТАСС-ը:
«Մենք կարծում ենք, որ այն, ինչ այնտեղ տեղի է ունենում, ֆարս է»,- ասել է Պուշկովը:
Նա պարզաբանել է, որ եթե այնտեղ ընդունվի Ռոբերտ Ուոլթերի առաջարկը՝ վեհաժողովում ՌԴ պատվիրակությանը բոլոր լիազորություններից զրկելու մասին, նա կմտնի դահլիճ և հայտարարություն կանի, որ «պատվիրակությունը վայր է դնում իր լիազորությունները»:
Այդկերպ՝ ռուս պատգամավորները չեն սպասի, մինչև ընդունվի այդ որոշումը, և վայր կդնեն լիազորությունները։
