Ղրիմի Հանրապետության Պետական խորհրդի պատգամավորները միաձայն հաստատել են Ղրիմի նոր սահմանադրությունը, հայտնում է «ՌԻԱ Նովոստին»:
Սահմանադրության նախագծի օգտին է քվեարկել 88 պատգամավոր:
Ըստ սահմանադրության՝ Ղրիմը ժողովրդավարական իրավական պետություն է Ռուսաստանի Դաշնության կազմում, իսկ դրա տարածքը Ռուսաստանի անքակտելի մասն է:
Հաստատումից հետո պատգամավորները ոտքի են կանգնել և ծափահարել:
Ըստ պատգամավորների՝ նոր սահմանադրությունը մեծ հեռանկարներ է բացում Ղրիմի պետականության առումով:
Մարտի 16-ին անցկացված հանրաքվեի արդյունքներով՝ Ղրիմը դուրս է եկել Ուկրաինայի կազմից և ներառվել ՌԴ կազմում։
Խորհրդարանի խոսնակն ասել է, որ Ռուսաստանին Ղրիմի վերադարձն այն պատմության օրինաչափ ավարտն է, որը սկսվել էր 60 տարի առաջ:
