Պարտադիր կուտակային կենսաթոշակների նոր համակարգի դեմ պայքարող «Դ!ԵՄ ԵՄ» նախաձեռնության անդամները լուսանկարներ են տարածել, որոնցում պատկերված է, որ տարբեր ՀՀ թղթադրամների վրա «Դեմ եմ պարտադիրին, Ո՛չ պարտադիրին» գրառումներ են արված:
Ֆեյսբուքյան տարբեր օգտատերեր իրենց էջերին նույն բովանդակությամբ լուսանկարներ են տեղադրել՝ գրելով, որ դրանք ստացել են այսօր:
Նշենք, որ որպես կանոն, թղթադրամները, որոնց մակերեսն ամբողջությամբ կամ մեծ մասամբ վնասված է, դուրս են գալիս շրջանառությունից: