ԱՄՆ-ն արձագանքել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի հասցեին հնչեցրած քննադատություններին:
«Միացյալ Նահանգների կառավարությունը համաձայն չէ Ջեյմս Ուորլիքի աշխատանքի վերաբերյալ Ադրբեջանի ԱԳ փոխնախարար Արազ Ազիմովի հնչեցրած կարծիքի հետ»,-ասված է Բաքվում ԱՆ դեսպանատան մամուլի ծառայության տարածած հայտարարության մեջ:
«ԱՄՆ-ն գոհ է ԵԱՀԿ Մինսկի խմբի շրջանակներում աշխատանքներից: Մենք կոչ ենք անում կողմերին ձեռնարկել լուրջ քայլեր այս հակամարտության խաղաղ կարգավորման համար»,-նշված է տարածված տեքստի մեջ:
