Թե՛ ժողովուրդը, թե՛ լրատվամիջոցները գիտեն՝ ով լինի իշխող «Արդարություն և զարգացում» կուսակցության թեկնածուն՝ Թուրքիայի նախագահի պաշտոնի համար, նա էլ հաղթելու է. ինչպես տեղեկացնում է «Անադոլու» գործակալությունը, նման հայտարարություն է արել Թուրքիայի փոխվարչապետ Բյուլենթ Առընչը։
«Մենք հարյուր տոկոսով վստահ ենք, որ մեր թեկնածուն լինելու է Ռեջեփ Թայիփ Էրդողան։ Վարչապետի պաշտոնում 12 տարվա հաջող աշխատանքից հետո նա արժանի է երկրի նախագահը դառնալու»,- հայտարարել է նա։
Առընչը հայտարարել է, թե վստահ է, որ անգամ ընդդիմության ընտրազանգվածն այս անգամ ընտրելու է ԱԶԿ-ի թեկնածուին։
