Ռուսաստանի Դաշնության նախագահ Վլադիմիր Պուտինի հայտարարություններն Ուկրաինայի մասին վկայում են իրավիճակի սրումը նվազեցնելու ուղղությամբ աշխատելու նրա պատրաստակամության մասին։ Այս մասին հայտարարել է Եվրոպական խորհրդի ղեկավար Հերման վան Ռոմպեյը Շվեյցարիայի արտգործնախարար, ԵԱՀԿ-ի նախագահ Դիդյե Բուրքհալթերի հետ հանդիպումից հետո, գրում է Взгляд-ը:
«Ես ի գիտություն եմ ընդունել նախագահ Պուտինի վերջին հայտարարությունները, որոնք ազդանշան են իրավիճակի սրումը նվազեցնելու պատրաստակամության մասին, այդ թվում՝ նրա կոչը՝ Ուկրաինայի արևելյան հատվածում չանցկացնել հանրաքվե և սահմանից զորքերը հեռացնելու մասին հայտարարությունը»,- ասված է Ռոմպեյի հայտարարության մեջ, որը հրապարակվել է ԵՄ-ի խորհրդի պաշտոնական կայքում:
«Ես ի գիտություն եմ ընդունում և ողջունում եմ ժնևյան համաձայնության կատարման գործում ուկրաինական կառավարության առաջընթացը»,- հավելել է Ռոմպեյը:
Չորեքշաբթի Պուտինը հայտարարել էր, որ Մոսկվան կոչ է անում Ուկրաինայի դաշնայնացման կողմնակիցներին հետաձգել հանրաքվեն՝ դրա անցկացման համար պայմաններ ստեղծելու նպատակով։