Ուկրաինայի արևելքում մայիսի 11-ին Դոնեցկի ժողովրդական հանրապետության կարգավիճակի մասին հանրաքվեի անցկացումը անօրինական է: Այս մասին ասված է ԳԴՀ կանցլեր Անգելա Մերկելի և Ֆրանսիայի նախագահ Ֆրանսուա Օլանդի համատեղ հայտարարությունում, փոխանցում է ԻՏԱՌ-ՏԱՍՍ-ը:
Օլանդը կրկին հայտարարել է Ուկրաինայում նախագահական ընտրությունների անցկացման անհրաժեշտության մասին:
«Անհրաժեշտ է, որ Ուկրաինայում նախագահական ընտրությունները կայանան, - կարծում է նա: - Ֆրանսիան և Գերմանիան կողմ են Ուկրաինայում կայունության ապահովմանը»:
Նա հայտնել է, որ Մերկելի հետ բանակցությունների ընթացքում իրենք «դատապարտել են Ղրիմում հանրաքվեի անցկացումը»:
