Դոնեցկում այսօր անցկացվեց ինքնորոշման հանրաքվեն:
Դոնեցկի Ազգային Հանրապետության Կենտրոնական ընտրական հանձնաժողովի նախագահը և ԴԱՀ-ի պրեզիդիումի համանախագահ Բորիս Լիտվինովը հայտարարեցին, որ բնակչության 70%-ից ավելը մասնակցել է հանրաքվեին: Նախնական տվյալներով՝ 71,4 տոկոս:
Մարիուպոլայում և Կրասնոարմեյսկում հանրաքվեն անցկացնելու ընթացքում խնդիրներ են ծագել՝ անվտանգությունն ապահովելու համար ընտրատեղամասերը ստիպված են եղել փակել ժամը 17:00-ին, իսկ Կրասնոարմեյսկում՝ 16:00-ին:
Բորիս Լիտվինովը նաև հայտարարեց, որ հանրաքվեի արդյունքները կհրապարակվեն երկու օրվա ընթացքում, իսկ նախնական արդյունքները պարզ կլինեն այս գիշեր:
"Интерфакс"-ը հայտնում է, որ նախնական հաշվարկների համաձայն Դոնեցկի բնակչության ճնշող մեծամասնությունը քվեարկել է ի օգուտ շրջանի անկախացման: ԿԸՀ-ի ներկայացուցիչն էլ հայտարարել էր, «Ընդհանուր առմամբ հազարից մեկն է դեմ» :
Սլավյանսի պաշտպանության ներկայացուցիչն էլ հայտնել է, որ նախնական հաշվարկներով քաղաքի անկախացմանը դեմ են միայն բնակչության 10 տոկոսը. «Մեզ մոտ նախնական հաշվարկով մոտ 90 տոկոսը կողմ են անկախացմանը, և միայն 10 տոկոսն է դեմ: Հանրաքվեին մասնակցել է բնակչության մոտ 80 տոկոսը»:
