«Դոնեցի և Լուգանսկի ժողովրդական հանրապետությունների տարածքում ընտրությունների անցկացումը անօրինական կլինի: Ինքնահռչակ Դոնեցկի ժողովրդական հանրապետությունը չի ճանաչելու մայիսի 25-ին նշանակված Ուկրաինայի նախագահի ընտրությունները: Հանրաքվեն օրինականացրել է մեզ: Այսօր դե-ֆակտո անկախ ինքնիշխան տարածք ենք ներկայացնում: Չնայած նոր իշխանության ձևավորման ուղղությամբ դեռ շատ աշխատանք ունենք անելու»,- այս մասին հայտարարել է Դոնբասի «Ժողովրդական նահանգապետ» Պավել Գուբարյովը:
Նրա կարծիքով՝ այսպես կոչված «քաղաքակիրթ աշխարհը»` Եվրոպան, ԱՄՆ-ն, միջազգային ֆինանսական շրջանակները, որոնք կանգնած են այս ամեն ինչի հետևում, ընտրությունների արդյունքներն կընդունեն:
«Ասոցացման մասին «կաբալային» համաձայնագիր կկնքվի, և Ուկրաինայի տարածքում թերթաքարային գազի վերամշակման նախագծային աշխատանքները կշարունակվեն: Ռուսալեզու բնակչության իրավունքները նախկինի պես կոտնահարվեն, վետերանների կրծքից ժապավեններ կպոկվեն: Այդ ամենը մեզ մոտ խիստ անհանգստություն է առաջացնում», - նշել է աշխարհազորայինների առաջնորդը:
