Եվրոպայում յուրաքանչյուր հինգերորդ պաշտոնյան ավելի մեծ տարեկան եկամուտ ունի, քան Մեծ Բրիտանիայի վարչապետ Դևիդ Քեմերոնը: Այդ մասին գրել Է Guardian թերթը: Հրատարակությունը ձեռք Է բերել փաստաթղթեր 47 հազար եվրոպացի պաշտոնյաների եկամուտների մակարդակի վերաբերյալ:
Պաշտոնական տվյալների համաձայն՝ Քեմերոնի եկամուտը կազմում Է տարեկան 142 հազար ֆունտ ստեռլինգ, իսկ բոլոր հարկերի վճարումից հետո վարչապետն ստանում Է 81 հազար ֆունտից փոքր-ինչ ավելի: Հաղորդագրության մեջ նշված Է, որ Եվրամիության պաշտոնյաները վճարում են գրեթե կիսով չափ քիչ հարկեր, քան Քեմերոնը, և, այսպիսով, ունեն ավելի բարձր մակարդակի եկամուտներ:
Ըստ թերթի տվյալների՝ ԵՄ-ի առնվազն 10 հազար պաշտոնյաներ տարեկան ունեն միագումար մակարդակի ավելի քան 112 հազար եվրո եկամուտ: Փաստաթղթերի համաձայն՝ եվրոպացի պաշտոնյաներն զգալի հարկային զիջողություններ ունեն ավելի ցածր հարկային կոպարի, նպաստների և զանազան դուրսգրումների տեսքով, օրինակ՝ յուրաքանչյուր երեխայի համար տարեկան 7 000 եվրոյի չափով: Բացի դրանից, այստեղ են մտնում նաև թոշակի հարկի և պահովագրության պահումները հիվանդության դեպքում, հաղորդել Է ՌԻԱ Նովոստին:
