Ադրբեջանի արտաքին գործերի նախարար Էլմար Մամեդյարովը և Թուրքիայի արտգործնախարար Ահմեդ Դավութօղլուն Բաքվում առանձնազրույց են ունեցել, որի ժամանակ քննարկել են երկկողմ հարաբերություններին առնչվող, ինչպես նաև տարածաշրջանային մի շարք հարցեր:
Շոշափված հարցերի թվում է եղել նաև Լեռնային Ղարաբաղի հակամարտության կարգավորման հարցը: Մամեդյարովի և Դավութօղլուի հանդիպման մասին այլ մանրամասներ չեն հաղորդվում:
Երկու երկրների արտգործնախարարների միջև հանդիպումը կայացել է Ադրբեջան-Թուրքիա- Թուրքմենստան եռակողմ հանդիպման շրջանակներում: Դրան հաջորդել է հանդիպումը երեք արտգործնախարարների մասնակցությամբ: