Ամերիկյան խոշոր Microsoft ընկերությունը Եվրոպայի խորհրդի (ԵԽ) հետ համակարգչային հանցագործությունների դեմ համատեղ պայքարի մասին համաձայնագիր է ստորագրել, հայտնում է ITAR-TASS-ը:
ԵԽ-ն Microsoft-ի հետ կգործի Cybercrime@Octopus նոր նախագծի շրջանակներում, որը կթողարկվի 2014-ի հունվարին:
Նախագծի առաջադրանքը համակարգչային հանցավորության դեմ պայքարի գործում փորձի փոխանակման ամենամյա միջազգային կոնֆերանսների անցկացումն է, ինչպես նաև ԵԽ-ին կից գործող Կիբեռհանցագործության մասին կոնվենցիայի կոմիտեին նյութական աջակցություն ցուցաբերելը:
Վերը նշված կոնվենցիան ստորագրվել է Բուդապեշտում՝ 2001-ին, և այդ ժամանակից դրան միացել է 41 երկիր, որոնցից 36-ը ԵԽ-ի կազմում են:
Cybercrime@Octopus-ի իրականացումը, որի վրա կծախսվի 1,8 մլն եվրո, ծրագրում են ավարտել 2016-ի վերջին: