ՄՏԿ-ի սառեցման համակարգում խափանում է գրանցվել։
«ՄՏԿ-ում ավելի վաղ դադարել էր սառեցման երկու համակարգերից մեկի աշխատանքը», - ասվում է NASA-ի հայտարարության մեջ:
Ըստ NASA-ի պաշտոնական ներկայացուցիչ Ջոշ Բայերլիի` խափանվել է կայանի սառեցման համակարգում տեղադրված պոմպերից մեկը:
«Անձնակազմի անդամների համար վտանգ չի եղել: Նրանք փորձել են վերականգնել սառեցման համակարգի աշխատանքը: Առաջիկայում նրանց ոչինչ չի սպառնում», - նշել է Բայերլին:
Խափանման վերացումը կարող է տեւել մեկ կամ երկու շաբաթ, ինչպես նաեւ կարող է պահանջվել տիեզերագնացների դուրս գալը բաց տիեզերք:
Ըստ լրատվամիջոցների` կայանում սառեցման համակարգից կարող է նաեւ ամոնիակի արտահոսք տեղի ունենալ, հայտնում է lenta.ru-ն: