Թուրքիան չի հրաժարվելու ռուսական C-400 համակարգեր գնելու մտադրությունից՝ չնայած ամերիկյան կողմի պահանջին: Այս մասին, ինչպես հայտնում է Hurriyet-ը, հայտարարել է Թուրքիայի նախագահ Ռեջեփ Թայիփ Էրդողանը:
«Մենք Ռուսաստանի հետ պայմանագիր ենք ստորագրել C-400-ների մասով: Ետքայլի մասին խոսք անգամ լինել չի կարող: Մենք աշխատում ենք, որ արդեն հուլիսին մեր զինանոցում ունենք այդ համակարգերը»,-ասել է Էրդողանը:
Անկարան պատրաստ է գնել ամերիկյան Patriot համակարգեր, սակայն ոչ այն պայմաններով, որոնք առաջարկում է ԱՄՆ-ը. «Համատեղ արտադրություն, վարկի տրամադրում և արագ մատակարարում: Սրանք պահանջներ ենք, որոնք մենք կարևորում ենք: Չնայած այն բանին, որ ԱՄՆ-ը դրական է տրամադրված արագ մատակարարելու հարցում, նրանք չեն խոստանում համատեղ արտադրություն և վարկ»: