Ռուսաստանի բջջային կապի օպերատոր «Միջտարածաշրջանային տրանզիտտելեկոմը» (ՄՏՏ) որոշել է վիրտուալ օպերատոր ստեղծել գաստարբայտերների համար՝ Mobile Virtual Network Operator: Ընկերության գլխավոր տնօրեն Եվգենիա Վասիլեւայի խոսքով՝ սխալ է կարծել, թե միգրանտներն անվճարունակ են: «Նրանք ստացիոնար համակարգիչներ ու ֆիքսված ինտերնետ չունեն, ուստի ցանցից օգտվում են ոչ թանկարժեք սմարֆոնների միջոցով», ասել է նա:
ՄՏՏ-ն մտադիր է սպասարկել Ռուսաստանի միգրանտներին, հիմնականում՝ Կենտրոնական Ասիայից եկած: Բաժանորդները կարող են ոչ թանկ գներով զանգեր կատարել հայրենի երկրներ, նրանք նաեւ կարող են օգտվել համացանցից:
Նոր բիզնեսը նախատեսվում է սկսել 2014թ. ապրիլից, հայտնում է «Վեդոմոստին»:
Ռուսական մի քանի այլ օպերատորներ եւս միգրանտների համար հատուկ առաջարկ ունեն: