Samsung Electronics Co. հարավակորեական ընկերությունը դեկտեմբերի սկզբին աշխատանքի է ընդունել Apple Store առցանց խանութի հաջողակ մշակողներից մեկին՝ Թիմ Գաջելին, ում նշանակել է փոխնախագահ և մանրածախ վաճառքի ստորաբաժանման ղեկավար՝ հաղորդում է The Wall Street Journal-ը:
Samsung-ի նորաթուխ թոփ-մենեջերի հստակ պարտականությունները դեռևս հայտնի չեն:
Ինչպես նշում է WSJ-ն, Samsung-ը, հնարավոր է, Apple-ին պարտվել է պատենտի հայցի վերջին դատը, սակայն հաղթանակ է տարել որակավորված աշխատակիցների համար ճակատամարտում:
Նախորդ շաբաթ Հարավային Կորեայի դատարանը մերժել է Samsung-ի հայցն ընդդեմ Apple-ի՝ երկրում iPhone և iPad սարքերի վաճառքն արգելելու և Samsung-ին 95 հազար դոլարի չափով փոխհատուցման պահանջով:
