Ամերիկյան Apple տեխնոլոգիական ընկերության նոր Mac Pro համակարգիչն այսօրվանից 2.999 դոլարով հանվել է վաճառքի։ Ինչպես հայտնում է The Telegraph-ը, համակարգիչն առաջին անգամ ներկայացվել է այս տարվա հունիսին։
Սարքն աչքի է ընկնում արտասովոր դիզայնով, որը բավական ֆուտուրիստիկ է։ Դրա բարձրությունը 25 սմ է, իսկ տրամագիծը` 20 սմ։ Ի դեպ, համակարգչի քաշը հավասար է հին Mac Pro-ի քաշի 1/8-րդ մասին։
Նորույթը հասանելի կլինի 2 տարբերակով. առաջինը համալրված կլինի 3.7 ԳՀց, քառամիջուկ Xeon պրոցեսորով, ինչպես նաև 2 գրաֆիկական AMD FirePro D300 պրոցեսորներով։ 2-րդ տարբերակը համալրված կլինի 3,5 ԳՀց, 6-միջուկանի Intel Xeon E5 պրոցեսորով և 2 AMD FirePro D500 գրաֆիկական պրոցեսորներով։
Սարքերն աշխատում են OS X Mavericks համակարգով։
