Աշխարհի խոշորագույն բջջային օպերատորը՝ China Mobile-ը, հաջորդ տարի կստեղծի չորրորդ սերնդի խոշորագույն բջջային ցանցը:
Մինչև 2014-ի վերջը չորրորդ սերնդի բբջային ցանցը կգործի Չինաստանի 340 քաղաքներում, իսկ բազային կայանների քանակությունը կգերազանցի 500 000-ը: Այս մասին հաղորդել է China Mobile-ի ներկայացուցիչ Սի Գոհուան:
Ընկերությունում նաև հաղորդել են, որ 4G կոմերցիոն ցանցը ինչև Նոր տարի կգործարկվի Պեկինում, Շանհայում, և Չինաստանի մոտ քսան քաղաքներում: Այս մասին հաղորդում է «Սինհուա» գործակալությունը:
