Ամերիկյան Apple տեխնոլոգիական ընկերության գործադիր տնօրեն Թիմ Կուկը հայտարարել է, որ 2014թ. համար իրենք մեծ ծրագրեր ունեն, որոնք, իր կարծիքով, գնորդներին շատ դուր կգան։
Պահպանելով Apple-ի ավադույթը՝ գործադիր տնօրենը որևէ մանրամասն չի ներկայացրել սպասվելիք նորույթների վերաբերյալ։ Սակայն ինչպես նշում է Daily Mail-ը՝ Business Insider-ին հղումով, Apple-ը հաջորդ տարի կներկայացնի iWatch ժամացույց-համակարգիչ, 13 դյույմ անկյունագծով iPad Pro պլանշետ, նոր հեռուստացույց և, իհարկե, նոր սերնդի iPhone սմարթֆոն։
Հիշեցնենք, որ անցնող տարում տեխնոլոգիական բրենդը ներկայացրել է Retina էկրանով նոր սերնդի iPad պլանշետն ու iPhone 5s և iPhone 5c սմարթֆոնները։