Սիրիական բանակը վերահսկողություն է հաստատել Դամասկոսի Քասուա շրջանի Սաուրա գյուղաքաղաքի վրա՝ ոչնչացնելով այնտեղ զինյալների վերջին հավաքատեղիները և նրանց զենքերը: Ինչպես հաղորդում սիրիական ՍԱՆԱ գործակալությունը, սիրիական բանակը զինյալներին մեծ վնասներ է հասցրել Արևելյան Ղուտայի շրջանում: Սպանված զինյալների մեծամասնությունը սիրիացիներ չեն, նրանց թվում եղել են հորդանանցիներ, քաթարցիներ, սաուդացիներ, ովքեր պատկանում էին «Ջաբհա ան Նուսրա», ինչպես նաև «Լուա ալ Կաակաա» և «Իթթիհադ ալ Իսլամիա» խմբավորումներին:
Բախումները զինյալների դեմ շարունակվել են նաև Ադրա քաղաքում, Ջոբարի շրջանում, ինչպես նաև Զաքիա գյուղի շրջակայքում:
Աղբյուրը տեղեկացնում է, որ բանակը հարձակումներ է իրականացրել Հալեպի Ժդիյդե, Սինաիա շրջանի, Հարյաթան, Բաշքուի, Թել Ռաֆաաթ, Սախուր, Սալահ ադ Դին, ալ Անսարի, Ռաշիդին թաղամասերում գտնվող զինյալների հավաքատեղիների վրա, ինչի արդյունքում տասնյակ զինյալներ են սպանվել և վիրավորվել:
«Ալ Ջազիրա»-ն տեղեկացնում է, որ Ալ Միդան թաղամասում կառավարական ուժերի տասնյակ զինծառայողներ են զոհվել: Մյուս կողմից սիրիական օդուժը շարունակում է վառվող նյութերով ռմբակոծել քաղաքի թաղամասերը, մասնավորապես` Բուսթան ալ Կասրը և Կատիրջան:
