ԻԻՀ և ԱՄՆ բարձրաստիճան պաշտոնյաները հունիսի 9-10-ը Ժնևում կքննարկեն Իրանի միջուկային ծրագիրն ու կբանակցեն հարաբերությունների վերահաստատման շուրջ:
Հանդիպման մասին պաշտոնական հաղորդագրություն է տարածել ԱՄՆ պետքարտուղարության կայքը` հավելելով, որ ամերիկյան կողմից հանդիպմանը կմասնակցեն պետքարտուղարի քաղաքական հարցերով տեղակալ Ուլիյամ Բերնսն ու պետքարտուղարի տեղակալ Ուենդի Շերմանը: Հանդիպումներն ընթանում են վեցյակի քննարկումների շրջանակում` 5+1 ձևաչափով, որը ղեկավարում է Քեթրին Էշթոնը: