Facebook-ում ակտիվորեն քննարկվող թեմաների բաժին է հայտնվել: Trending բաժնում տեղ գտած ցուցակներն անհատականացված են, այսինքն յուրաքանչյուր օգտատեր տեսնում է այն, ինչ հետաքրքիր է իրեն:
Դրանք կազմավորվում են «լայքերի» հաշվին: Այնտեղ են հայտնվում նաև այն թեմաները, որոնք ընդհանուր առմամբ տարածված են Facebook-ում: Դրանց միջոցով օգտատերերը կարող են տեսնել նաև այդ թեմայով ընկերների ամենահետաքրքիր մեկնաբանությունները:
Մոտակա մի քանի շաբաթների ընթացքում «թրենդները» հասանելի կլինեն հինգ պետությունների՝ ԱՄՆ-ի, Բրիտանիայի, Կանադայի, Հնդկաստանի և Ավստրալիայի օգտատերերին:
Ավելի ուշ Facebook-ում ամենատարածված թեմաները հասանելի կլինեն նաև բջջային տարբերակում:
