Ռուսաստանի նախագահ Վլադիմիր Պուտինը և Ուկրաինայի նախագահ Պետրո Պորոշենկոն հեռախոսազրույց են ունեցել, հայտնում է «Էխո Մոսկվի»-ն՝ վկայակոչելով Կրեմլի մամուլի խոսնակին:
Երկու նախագահները քննարկել են երկկողմ հարաբերությունների արդիական հարցեր, քննարկվել է Ուկրաինայի հարավ-արևելքում հրադադարի հնարավորությունը:
Պուտինը մտահոգություն է հայտնել Ուկրաինայում ռուսաստանցի լրագրողի մահվան դեպքերի առիթով, կարևորել ԶԼՄ-ների ներկայացուցիչների անվտանգության ապահովումը:
Պորոշենկոն իր հերթին ցավակցություն է հայտնել նույն լրագրողների մահվան առիթով, նրա հրահանգով համապատասխան հետաքննություն է անցկացվելու:
