Մոսկվայում վրդովված են Ուկրաինայում վտանգավոր պայմաններում աշխատող ռուսաստանցի լրագրողների նկատմամբ Կիևի բռնած դիրքից և պահանջում են անհապաղ դադարեցնել նման հետապնդումներն ու դատաստանները և պատժել մեղավորներին: Այս մասին հայտարարել են ՌԴ-ի արտաքին գործերի նախարարությունում:
«Վերջին ժամանակներս Ուկրաինայի կամայականությունների զոհ են դարձել Ռուսաստանի զանգվածային լրատվամիջոցների շատ ներկայացուցիչներ: Մեր լրագրողների վրա հարձակումները տեղի են ունենում երկրի հարավ - արևելքի իրադրությունը կարգավորելու, հաշտության հասնելու պատարստակամության հարցում նախագահ Պյոտր Պորոշենկոյի բազմիցս արված հավաստիացումների ֆոնի վրա»,- ընդգծել են դիվանագիտական գերատեսչությունում:- Մինչդեռ իրապես Ուկրաինայի իշխանությունները ցանկացած միջոցներով՝ նույնիսկ ուղղակի սադրանքների ճանապարհով, որոնք սպառնալիքի տակ են դնում Ռուսաստանի քաղաքացիների կյանքը, կասեցնում են տեղի ունեցող իրադարձությունների մասին ճշմարտությունը համաշխարհային հասարակայնությանը հասցնելու փորձերը»:
Ինչպես արդեն հաղորդվել Է, Դոնեցկում զոհվել Է Ռուսաստանի Առաջին ալիքի օպերատոր Անատոլի Քլյանը: Այս տեղեկատվությունը հավաստել Է հեռուստալիքը հունիսի 30-ին նորությունների թողարկման ժամանակ:
