2013 թվականին «խելացի» ժամացույցների վաճառքի ընդհանուր ծավալը համաշխարհային շուկայում կազմել է 1.9 մլն, որից 1.2 միլիոնը (61%) աշխատում է Android օպերացիոն համակարգով: Այս մասին ասվում է Strategy Analytics ընկերության վերլուծական զեկույցում՝ գրում է Forbes-ը:
Համաձայն զեկույցի՝ «խելացի» ժամացույցների վաճառքի ցուցանիշները դեռևս շատ բարձր չեն՝ կապված այն բանի հետ, որ այդ սարքերի շուկան նոր է ձևավորվում:
Վերլուծաբանների տվյալներով՝ Android ՕՀ-ով ժամացույցների գերակշռող մասնաբաժինը պայմանավորված է Samsung Galaxy Gear ժամացույցների վաճառքով:
