Ուկրաինայի Նախագահ Պյոտոր Պորոշենկոն երկրի արևելյան հատվածում զինադադարի հաստատման պատրաստակամություն է հայտնել` բոլոր պատանդների ազատ արձակման ևւ ԵԱՀԿ-ի ներքո սահմանին վերահսկողություն իրականցնելու պայմանով: Ինչպես հաղորդում է «Ինտեֆաքսը», Նախագահի մամուլի ծառայությունը ներկայացրել է Պորոշենկոյի և ԱՄՆ փոխնախագահ Ջոզեֆ Բայդենի միջև տեղի ունեցած հեռախոսազրույցի մանրամասները:
«Պորոշենկոն նշել է, որ պատրաստ է վերադառնալ հրադադարի ռեժիմի, եթե հաստատվի, որ այն կիրականցվի երկկողմանի ձևաչափով, ինչպես նաև` ազատ կարձակվեն բոլոր պատանդները և սահմանին վերահսկողությունը կսահմանվի ԵԱՀԿ-ի մոնիթորինգի ներքո: Պետության ղեկավարն ընդգծել է, որ պատրաստ է քաղաքական բովանդակային բանակցություններ սկսել` առանց որևէ լրացուցիչ պայմանների»,- հայտնել են մամուլի ծառայությունից:
Կողմերը քննարկել են նաև հետագա հնարավոր միջազգային ջանքերը` Ուկրաինայի դիրքորոշմանն օժանդակելու ուղղությամբ: