Google-ը ձեռք է բերել իսրայելական SlickLogin ստարտափը: Վերջինս ստեղծել է տեխնոլոգիա, որը վեբկայքերին թույլ է տալիս հաստատել օգտատիրոջ ինքնությունը` ձայնային ալիքների միջոցով, հայտնում է BBC-ն:
Տեխնոլոգիան գործում է գրեթե անձայն եղանակով` համակարգչի բարձրախոսների միջոցով: Ալիքը որսվում է օգտատիրոջ սմարթֆոնի համապատասխան հավելյալ ծրագրի միջոցով:
Ծրագիրը վերլուծում է ձայնը և ազդանշան հետ ուղարկում` այդ կերպ հաստատելով օգտատիրոջ անձը: Այս տեխնոլոգիան կարող է կիրառվել թե' որպես գաղտնաբառի փոխարինման միջոց, թե' լրացուցիչ անվտանգության միջոց:
SlickLogin-ը հաստատել է, որ իր կայքը ձեռք է բերվել, սակայն գործարքի ֆինանսական կողմի մասին տվյալներ չեն հրապարակվել:
