Տնտեսություն 

Իշխանությանը զգոնացրել է «Լիդիանի»՝ միջազգային արբիտրաժ դիմելու հայտարարությունը. «Հրապարակ»

analitik.am

«Հրապարակ» թերթը գրում է. ««Լիդիան Արմենիան» հանքի շահագործման խոչընդոտները վերացնելու համար 2 պահանջ էր ներկայացրել դատարանին․ մեկը՝ պարտավորեցնել ոստիկանությանը՝ վերացնել ներխուժումն իր տարածք, որ կարողանան աշխատել, քանի որ ոստիկանությունը չէր արձագանքել իր դիմումներին։ Այս պահանջը դատարանը բավարարել է, և ոստիկանությունը, որն իրավունք ուներ բողոքարկել այս որոշումը, վերաքննիչ բողոք չի ներկայացրել, և որոշումն ուժի մեջ է մտել։

Երկրորդ որոշումը վերաբերում է դատախազությանը, որը մերժել էր քրեական գործ հարուցել հանքի աշխատանքները խոչընդոտողների նկատմամբ։ «Լիդիանը» դիմել էր դատարան, խնդրելով պարտավորեցնել դատախազությանը՝ քրգործ հարուցել․ առաջին ատյանը մերժել էր պահանջը, իսկ վերաքննիչը բավարարել էր։ Թվում է, թե դատախազությունը պետք է բողոքարկեր այս որոշումը, բայց 15-օրյա ժամկետն անցել է, և չեն բողոքարկել։

Սա խոսում է այն մասին, որ իշխանությանը զգոնացրել է «Լիդիանի»՝ միջազգային արբիտրաժ դիմելու հայտարարությունը»:

Մանրամասն՝ թերթի այսօրվա համարում

 

Նույն շարքից