Ուկրաինայի ԱԳ նախարար Պավել Կլիմկինը և ՆԱՏՕ-ի գլխավոր քարտուղար Անդերս Ֆոգ Ռասմուսենը Բրյուսելում քննարկել են համագործակցության արդի հարցերն ու համաձայնեցրել բարձր մակարդակով քաղաքական երկխոսության գրաֆիկը:
Ինչպես հայտնում է РИА Новости-ն` Ուկրաինայի ԱԳՆ-ին հղումով, բանակցություններին քննարկվել են նաև պրակտիկ համագործակցության մի շարք հարցեր, ինչպես նաև Ուկրաինային հատկացվելիք ֆինօգնության ծրագրերը` ուղղված երկրի պաշտպանունակության ամրապնդմանը և զինուժի զարգացմանը:
«Քննարկվել են առաջիկայում իրականացվելիք քայլերը, որոնք ուղղված են դաշինքի հետ մեր երկրի հատուկ համագործակցության խորացմանը: Մասնավորապես, համաձայնեցվել է քաղաքական երկխոսության գրաֆիկը` գերագույն ու բարձր մակարդակով», - ասվում է ԱԳՆ-ի հաղորդագրության մեջ:
