Ամերիկյան Apple կորպորացիան արտոնագիր է ներկայացրել նոր տեխնոլոգիայի համար, որը թույլ կտա iPhone-ը թափանցիկ դարձնել:
Apple-ի նոր տեխնոլոգիան թույլ կտա սմարթֆոնի էկրանին պրոյեկտել տեսապատկերն իրական ժամանակում հետևի տեսախցիկից, ինչը թույլ կտա օգտատերերին ընթացքի մեջ հաղորդագրություններ հավաքել և տեսնել ճանապարհին գտնվող խոչընդոտները:
Համակարգը կարող է ակտիվանալ ծրագրային հավելման մեջ հատուկ կոճակի միջոցով և կարող է հարմարեցվել վեբ-բրաուզերներում կամ ibooks-ում օգտագործվելու համար:
Արտոնագրի դիմումը ներկայացվել է 2012 թվականի սեպտեմբերին, սակայն լրագրողներն իմացել են այդ մասին միայն վերջերս: